नॅब श्रीरामपूर बद्दल

नॅशनल असोसिएशन फॉर दि ब्लाईंड म्हणजेच 'नॅब' या संस्थेची स्थापना सन १९८५ मध्ये कविवर्य वि. वा. शिरवाडकर तथा कुसुमाग्रज यांचे हस्ते श्रीरामपूर येथे झाली. प्रामुख्याने अंधकल्याण व अंधत्वनिवारण हा प्रामाणिक हेतू डोळ्यासमोर ठेवून संस्थेची स्थापना झाली.

संस्थेच्या माध्यमातून आजपावेतो अनेक अंधजनांचे शैक्षणिक, सामाजिक व आर्थिक पुनर्वसन झाले आहे. सन १९९१ मध्ये सुरू केलेली निवासी अंधशाळा आज एका भव्य संस्थेत रूपांतरित झाली आहे.

अंधशाळेस अनुदानित मान्यता असून २२ कर्मचारी सेवेत आहेत. ५५ विद्यार्थ्यांची मान्यता असून पटसंख्या ९०-१०० च्या घरात आहे. इयत्ता १ ली ते ७ वी पर्यंत प्राथमिक शिक्षण दिले जाते. इयत्ता ८ वी पासून एकात्मिक शिक्षण योजनेंतर्गत सामान्य शाळेत शिक्षण.

संस्थेतर्फे अंध विद्यार्थ्यांना अन्न, वस्त्र व निवारा पूर्णतः मोफत. संस्थेची स्वतःची मालकीची अंध-अपंगांना लागणाऱ्या सर्व सुख-सोयींनी युक्त भव्य ३ मजली इमारत आहे.